Framsøkin Ung

Framsøkin Ung is rated 3 out of 5 in the category political organization. Read and write reviews about Framsøkin Ung. Í 2011 settu nøkur fólk seg fyri at stovna ein nýggjan flokk við tí endamálið at broyta politisku kósina í Føroyum. Hesin flokkurin skuldi koma at hava eina liberala grundhugsjón, har frælsi var eitt kjarnu hugtak í øllum tí førda politikkinum. Hesin flokkurin bar heitið: Framsókn. Tá ið flokkurin bleiv settur á stovn, gjørdi mann sær beinanvegin greitt, at mann ynskti at hava ungdómin við í tí politiska arbeiðinum. Sama ár fann ein hópur av ungum og frælsislyntum ungdómi saman og stovnaðu tað, ið skuldi vera ungmannafelagið hjá Framsókn. Framsøkin Ungdómur bleiv sostatt stovnað í 2011 og hevur síðani tá umboða ein stóran part av tí liberala ungdóminum í Føroyum. Á Aðalfundi í 2014 gjørdi mann av at broyta navnið, soleiðis at “Framsøkin Ungdómur” var broytt til “Framsøkin Ung”. Ungmannafelagið hevur ment seg til nakað stórt tey seinastu árini og hevur luttikið og sett dagsskrá í almenna orðaskiftinum. Virðini hjá ungmannafelagnum eru tey vinnuligu, persónligu og tjóðskaparligu frælsini, eins og hjá móðurflokkinum, og hava tey sítt egna virðisgrundarlag, ið endurspeglar hetta. Tó er Framsøkin Ung óheft av móðurflokkinum, bæði politiskt og fíggjarliga. Framsøkin Ung er við hvørja ferð Framsókn førir valstríð, og ungmannafelagið hevur eisini í fleiri umførum stilla valevnir upp, bæði til kommunu- og løgtingsval. Framsøkin Ung hevur stillað upp valevni til løgtingsvalið í 2011 og 2015, og kommunuvalið í 2012 og 2016. Ungmannafelagið hevur áður havt umboðan í løgtinginum. Framsøkin Ung er ein fjølbroyttur felagsskapur, men hevur somu grundsjónarmið, ið eru at virka fyri og kunna ungdómin í samfelagnum um tey grundleggjandi frælsisvirðini.